ജവാൻ റമ്മിന്റെ വില വർധിപ്പിക്കണമെന്ന് ബെവ്കോ
തിരുവനന്തപുരം: സംസ്ഥാനത്തെ മദ്യപരുടെ ഇഷ്ട ബ്രാന്‍ഡായ ജവാന്‍ റമ്മിന്റെ വില വര്‍ധിപ്പിക്കണമെന്ന് ബെവ്‌കോയുടെ ശിപാര്‍ശ.
സ്പിരിറ്റിന്റെ വില കൂടിയ പശ്ചാത്തലത്തിലാണ് ജവാന്‍ റമ്മിന്റെ വില വര്‍ധിപ്പിക്കണമെന്ന ആവശ്യം ഉയര്‍ന്നത്. സര്‍ക്കാര്‍ ഉടമസ്ഥതയിലുളള മദ്യമാണ് ജവാന്‍.
ജവാന്‍ റമ്മിന്റെ വില 10 % കൂട്ടണമെന്നാണ് ബെവ്കോ എം ഡി ശുപാര്‍ശ ചെയ്തിരിക്കുന്നത്. ഇപ്പോള്‍ ഒരു ലിറ്റര്‍ ജവാന്‍ റമ്മിന് 600 രൂപയാണ് വില.
ഉയര്‍ന്ന ഡിമാന്‍ഡ് മൂലം പല ബെവ്കോ ഔട്ട്‌ലെറ്റുകളിലും പല സമയങ്ങളിലും ജവാന്‍ കിട്ടാത്ത അവസ്ഥയാണുള്ളത്.
